Web hosting kya hai? Web Hosting Full Guid in Hindi



Web hosting kya hai? Web Hosting Full Guid in Hindi

 

Internet kya hai?

Aap jo soch rahe hai wo Internet nahi hai.
Internet kar matlab Inter + Net = Interconnected Network. Ek jaal jo computer, mobile etc ko ek doorse se jodta hai.
Jab aap do computer lekar ek doorse se jod dete hai to aap ek network tayaar kar dete hai. Is network dwara aap dono computers ke beech files transfer kar sakte hai. Isko hum Internet ka chota roop keh sakte hai.
Humne isi tarha duniya ke sabhi computers ko ek doorse ke sath jod diya hai, aur ek bohot bada jaal bana diya hai jise hum Internet kehte hai.
Hum is jaal se jude har computer ki files nahi dekh sakte kyoki lagbhag har computer mai security aur privacy lagi hoti hai.
Lekin aap apni marji se ye privacy hata kar poori duniya se kuch bhi share kar sakte hai. Aur jis storage ya jagha par hum files share karte hai use hum website kehte hai (web = jaal, site = pata), to website ka matlab internet ke jaal par ek esa pata hai jaha aap jaaka kuch file ya information prapt kar sakte hai.
Apne computer se lagbhag koi bhi vyakti website nahi banata hai, kyoki aap apne computer par bharosa nahi kar sakte, computer kabhi band ho gaya to website band ho jayegi, Internet connection chala gaya to bhi website band.
Computer par nahi to website kaha banaye?
Aaj jaiye apne asli sawaal par….





Web Hosting kya hai?

Kuch companies ne ye socha ki “Agar hum kuch internet se kuch aise computer laga de jo ki 24×7 Internet se jude rahe aur kabhi bhi band na hoo, To hum logo ko kuch paiso ke badle unko computer par jagha de sakte hai jaha par wo apni website daal sakte hai”. Aisa karne se companies ka munafa ho jata hai, aur website banane wale ko jagah bhi mil jati hai.
In bade computers ko hum Server bhi bolte hai.
Server par hum Space (jagha) khareed sakte hai. Is jagha ko hum Web Hosting kehte hai. India me kayi badi companies jaise ki Go daddy ya Bigrock hume Web Hosing deti hai. Aur in companies ko hum Web host kehte hai. Ye companies aapko hosting dene ke badle aapne har saal kuch paise leti hai.
Web Hosing ki Rate is baat par nirbhar karta hai ki aapko kaisa Space cahiye. Agar aapko bohot badi website banani hai to aapko jada jagha cahiye hogi, agar aapki website par bohot jada log (traffic) aane lag gaya to aapko Fast (tez) sever chaiye hoga (jiski RAM jada ho).
Bhadiya baat ye hai ki aap sasta sa aur chota sa space le sakte hai, aur jab aapki website popular ho jayegi tab aap aur mehngi aur achi hosting par apni website shift kar sakte hai.

Konsi company se webhosting kharide?

BigRock

Bigrock ek Indian company hai jo Hosting provide karti hai, me jadatar Hosting BigRock se hi kharidta hun, Kyoki BigRock ka customer support bohot acha hai aur mujhe aaj tak koi bhi problem nahi ayi hai BigRock se.

GoDaddy

GoDaddy ka Ad aapne TV par jaroor dekha hoga. Godaddy sabse purani hosting companies me se hai. Godaddy naye user ke liye achi hai, lekin iske hosting panel ka design kahi logo ko pasand nahi ata. Lekin aap Godaddy par bharosa kar sakte hai.
Agar aapko aur jada jaana hai web hosing ke baare me to is article ko aage padhte rahiye.

Web Hosting plan ki jaankari?

Jab aap web hosting kharidne jaaege to aapko waha koi plan karidna hoga, plan me company aapko feature degi jaise ki Disk Space, Bandwidth, Uptime, Support etc. inme se kuch jaroori features ki hum baat karte hai.

Disk Space:

Disk Space ka matlab hai ki aapko server par kitna space diya ja raha hai. Aapko apni website ko daalne ke liye kitne space ki jaroorat hoti hai. Normal computer ki tarha space ko MB ya GB me naapa jata hai. Aur har tarha ke package available hote hai, agar aap apni pehli website bana rahe hai to aap chota space le sakte hai, jaise jaise aapki website badi hoti chali jayegi aap fir apna space bhada sakte hai.

Uptime:

Uptime ka matlab ki aapka server poore saal kitni der tak chalta rahega. 99.99% uptime ka matlab aapka sever saal me sirf 8 ghante ya kum hi down ho sakta hai. To hosting aise karide jise Uptime jada se jada ho.

Bandwidth:

Jab koi bhi vyakti aapki website kholta hai, tab aapke server se kuch data uske computer mai transfer hota hai, is data se website khulti hai. Kitna data aa ja sakta hai use bandwidth kehte hai.
To aapki website par jitni jada bandwidth hogi utne jada log aapki website ko khol saktege. Jab bandwidth khatm ho jati hai tab aapki website down chali jati hai. Mai phir kahuga ki jada bandwidth hona achi baat hai, lekin nayi nayi choti website ke liye ye jada maine nahi rakhti, aap baad mai ise bhi bhada sakte hai.

Customer service:

Ye sabse jaroori cheez hai hosting kardite samye. Agar aapki website par Hosting se sambandhit koi bhi problem aajati hai to customer support hi aapki website sahi karne mai help karta hai. Kayi companies hai jo bohot achi customer service deti hai.

Web Server Hosting kitne tarha ki hoti hai?

Aapko maine plans ke baare mai kuch jaankari di, lekin hum apna server bhi select kar sakte hai, har server ek jesa nahi hota. Aur har website ki alag alag jaroorate hoti hai.

Share server hosting?

Jaise ki naam batata hai ki aisi hosting, mai ek server hoti hai jise ki bohot saari websites ek saath use karti hai. Shared hosting ka choti website ko fayada hai, kyoki server ko share karne se hosting ki cost sasti padti hai. Maine aaj bhi apni websites ko shared hosting par chalata hun. Shared hosting se aapko tab tak koi problem nahi ayegi jab tak aapki website bohot jada popular nahi hojati.

Dedicated server hosting?

Is hosting mai server sirf aur sift aapki website hi chalata hai. Ye server un logo ke liye hai jinki website par bohot hi high traffic ata hai. Flipkart ya Snapdeal jaisi badi websites ese servers ka hi prayog karti hai. Ye un logo ke liye jo apni website se bohot paise kamate hai, kyoki Dedicated hostng mehngi hoti hai.

Cloud server hosting?

Cloud Hosting sabse jada bharosemand hosting hai, kyoki isme kayi saare servers ek sath jude hote hai. Jisse ki website ke load ka balance bana rehta hai aur website down jaane ke chances bohot kum hojate hai.
Ye sabse advanced tarha ki hosting hai, aur digital ocean company cloud hosting mai number 1 hai, kyoki Digital ocean Dedicated server se sasti cloud hosting deti hai, saath hi mai ye bohot fast bhi hai.
Humne VikasPlus.com Digital Ocean ki cloud hosting par ki daal rakha hai.

Linux aur Windows hosting mai kya farak hai?

Jab bhi aap kisi Hosting company se hosting kharidne jate ho to waha sabse pehle do option pooche jate hai. Windows hosting ya Linux hosting.
Jese ki manie kaha ki Server ek computer ka hi bada roop hai jo 24×7 online rehta hai. Ab normal computer ki hi tarha in servers par Windows ya Linux Operating System dale hote hai.
Linux operating system free hai isliye Linux hosting sasti hoti hai.
Aur Windows ko server par daalne ke liye hosting company ko licence kharidna padta hai jis karan Windows hosting mehngi hoti hai.
Dono type ke servers bhadia hai. Ye is baat par depend karta hai ki aapki website ko kis feature ki jada jaroorat hai. Windows servers Linux se thode jada secure maane jate hai, Lekin jadatar websites Linux par hoti hai kyoki ye sasta hai aur isme features bhi jada hai.
Ab maine aapko Hosting ki poori jaankari de di hai. Agar aap bhadiya website banana cahte hai aur serious hai to free hosting avoid hi kare. Free hosting se acha aap koi sasti si paid hosting karide. Paid hosting mai aapko jada behtar quality, features aur control milta hai.
Free hosting to esi hai jese aap kisi ke ghar free mai re rahe hai, Landlord kabhi bhi aapko nikal sakta hai. Paid hosting mai aap apni website ke poore malik hai.
Thank You

Previous
Next Post »
Powered by Blogger.