Blogging Kaise Kare | Full Guide – Puri Jankari Hindi Me

Blogging Kaise Kare | Full Guide – Puri Jankari Hindi Me

Ye guide hai unke liye jo Blogging sikhna chahte hai, Blogging me beginner / moderate level / Advanced level ya fir Expert level par Blogging kar rahe hai. Blogging ke baare me English me aapko bohot sa content mil jayega par Hindi me sirf kuch hi websites hai jo Blogging ke baare me perfect aur proper knowledge share kar rahi hai. Blogging abhi ek solopreneur business ban gaya hai. Blogging ek online paise kamane ka madhyam hai jaha aap jis me interest ho yane aapko jo chij puri aati ho unko aapke blog par likhe.

Blogging ka main aim hai knowledge sharing on internet online. Jahir si baat hai aap Hindi me blog karoge, par aapko ye blogging aur uske related saari jankari kaha se milegi ? Is question ka tension aap abhi na le. Kyo ki hum is website ke jariye aapko Blogging se related ek se ek badhiya information share karenge. Aap chahe blogging me naye ho ya fir aap thode advanced level par ho, ya fir chahe expert level par ho. Mene jo sikha hai aaj tak wo mai sab aapse share karunga. Aap ko ek perfect blogger banane ki koshish karunga. Is post ko aap bookmark ya Save kar sakte hai, Kyo ki is post se mai blogging ki saari chije link karne wala hu. Blog banane ke liye kya chije jaroori he, Blog ke liye hum behtar post kaise likhe, Blog par traffic kaise badhaye, is sab baato ki detailes se detailed jankari aapko is website par mil jayegi. Hum blogging ke bare me sab chije cover karenge, Ye website aapke liye Blogging ki One Stop Solution rahegi.

To chaliye ab seedhe bina ek bhi second waste na karte hue hum dekhte hai ki exactly blogging kaise karte hai aur mai aap se request karunga ki agar apko successful blogger banna hai to aap please in tips ko bahut acche se follow kare.


Blogging Definition Hindi Me

What is Blogging :  First question is what is blogging ? Blogging kya hota hai ?  Blogging kaise karte hai ? Blogging start karne se pehle ye janana bohot jaroori hai ki Blogging ka matlab kya hai. Blogging ko acchi tarah se smajhne ke bad hi usme apna kadam rakhe. Ye saare sawaalo ke jawaab aapko milnge yaha –Blog ek website hoti hai. Jisme ap jankari, anubhav, apna knowledge dusro ko baat sakte hai. Online padha sakte hai. Blogger ek google ki bahut hi achhi  free bloging service hai. Jisse hum free me use kar sakte hai or income bhi kar sakte hai. Jaise youtube, adsence, adwords, google+, google.co.in etc. Web blog ka short name blog hai. Kayi prakar ki website hai, jeise ke blogger, wordpress etc. Us me aap blog likh sakte hai.

Blog vs Website : Sabse pehle hum start karenge Blog aur Website me kya difference hai. Aksar bohot se mere friends muze pucchte hai ki hume website kholni hai, Hume Blog kholbna hai. Par unje ye clear nahi hota hai ki in dono me actual difference lya hai.

Good Topic

  • Sabse se pehle aapko ye decide karna hai ki apne blog ke liye koi accha topic dundhna hoga kyunki ye bahut jaruri hai bina acche topic ke aapke blog ko jyada traffic nahi mil payega aur aap nirash ho jaoge.
  • Acche topic ko choose karne ke liye aapko ek niche ko decide karna hoga jiss par aap saalo saal bina bor hua likh sakte hai kyunki maine bahut se hindi bloggers ko dekha hai jo bina soche samjhe blog topic dundh kar blogging karne lag jate hai.
  • Ye bilkul galat tarika hoga blogging karne ka kyunki agar aapko us topic me jyada information nahi hai to aap quality content nahi likh payenge aur agar aap quality content nahi likhenge to aapko Google acchi ranking nahi dega ye to pacca hai.

Get your own Domain – Website URL

Website domain ka meaning hai URL of your website. URL is Universal Resource Locator. Har website ko ek unique name hota hai, jaise Google.com, FaceBook.com. Ye in companies ke domain address hai. Blog start karne ke liya hamare pas koi domain hona chahiye, jispar hum apna content likh sake, apni information daal sake. Domain dene wali India me top service hai GoDaddy.com.

GoDaddy : Jese ki mene bataya yeh ek Behtarin service hai domain purchase karne ke liye. Agar aap blogging start kar rahe hai, to me aapko salaah dunga ki domain GoDaddy se hi le – 

BigRock.in : Ye bhi ek shandar site hai, jaha se aap domain purchase kar sakte hai. Par mera personal experience BigRock ka accha ahi hai. Inka payment gateway ka muze ek bar problem aaya tha. Is liye me BigRock nahi use karta.

  Aapko apna domain name bahut hi dhyaan se select karna hoga kyunki agar apne wrong domain name choose kiya to aapko bahut si dikkat ka samna karna pad sakta hai.

  Domian name chota aur aapke blog topic ko acchi tarah se darshana chahiye. Domain name aapke blog ki topic ko acche se describe karna chahiye.

  Jaise ki mera blog domain name hai bloggingtipshindi.com to is domain name ko koi bhi dekh kar bol sakta hai ki mera blog kis topic par hai.

  Magar ye jaruri nahi hai kyunki aaj kaal Google brand names pe jyada dhyaan deti hai. Dosto ko hard and fast rule nahi hai keyword wale domain name me ya fir branded domain name me.

  Fark bas itna hai ki aap apna content kaise likhte ho aur who kitna high quality ka hai. Agar aapka content high quality ka hai to aap bhahut acchi ranking haasil kar sakte hai.

Free Blog Vs Paid Blog

  1. Dosto is point ko bilkul dhyaan se padhna kyunki ye decide karega ki aap successful blogger banoge ki nahi. Dekho aap ko blog banane ke 2 option hai.
  2. Pehla to free blog aur dusra paid blog yani self hosted wordpress blog. Mai to paid blog yani self hosted WordPress blog recommend karunga kyunki issme aapko bahut se who options or controls milenge jo free blogs mai bilkul bhi nahi hoti.
  3. Free blog ka sabse bada nuksaan ye hai ki aapka blog kabhi bhi delete ho sakta hai aur aapki mehnat puri paani me dubh jayegi kyunk free blog aapko koi bhi guarantee nahi deti wo bina kisi warning ke aapka blog ko delte kar denge ye mere saath kudh hua hai.

Purchase Premium Hosting

Why Hosting is required : Aap ek Professional Blogging ka mind set banate hai, to aapko aapki website khud hi host karni chahiye. Hosting ke liye BlueHost, HostGator jese bohot se Hosting companies hai, jo high speed hosting provide karti hai. Hosting your website ka matlab hai aap apni website khud host karna. Blogger / WordPress me hum sirf post publish kart hai, par saare post Google ya for WordPress hi host karta hai. Theme / Template design ke jada options hume nahi milte. Or SEO ka bhi bad impact padta hai. So islye agar long term ke liye aap soch rahe ho to jaroor Paid Hosting hi karna.
  Waise to bahut si web hosting companies hai par mai jo personally perfer karta hu wo hai bluehost hosting kyunki bluehost world ki sabse top web hosting company hai.
  Bahut se bade bade bloggers bluehost ko apne readers ko suggest karte hai to me bhi aapse yehi kahunga ki agar aap apne blog ya website ke liye sabse best web hosting lena chahte hai to aap bluehost se le. Aap hamara post web hosting kya he puri jankari padh sakte hai.

SEO – Search Engine Optimization

SEO matlab aapke website ko Search Engine ke liye optimize karna taki Search Engine aapke website ke posts ko acchi tarah se samjhe aur rank Results me dikha sake.  SEO blog ke utna hi importatn hai, jitna ki post content ka valuable hona. Google Penguin 4.0 Update ke baad to SEO karna ek bohot  sensitive task ban gaya hai. Negative SEO aapke site ko Google se penalty dilwa sakta hai. So SEO karne se pehle SEO ke saare tips janana behtar samjha jayega.

On Page SEO : On Page SEO wo hota hai, jo hum apni webiste ke page par krte hai.  Matlab aap khud website me login kar ke post ko optimize karte hai, usme keywords add krte hai. Perfect image daal kar use optimize karte hai. Ye hota hai On page optimization.

Off Page SEO : Off Page SEO me hum site me na login kare, yani bahar se website ko optimize karte hai. Asaan bhasha me bataya jaaye to Facebook, Twitter par content share karte hai.  Dusre websites par apne post ki link share karke waha se hum traffic gain karte hai. Is mai back links gain karna, Social trust banana, Page Rank ye sab shamil hai.

Useful Blogging Tools

Kuchh tools he jo har blogger ko pata hone chahiye. Blogging koi hard and fast rule nahi hai. Blogging karne ke liye hume dozen of tools ki jaroorat rehti hai. Kabhi hume keywords analyze karne hote hai, kabhi Search result me humari site kaise dikh rahi hai, wo analyze karni padti hai. Blogging me hume har point par bohot hi dhyan dena padta hai. Chahe wo humari khud ki websites ki stats ho ya  fir apne competitor ke. Hum janenge kucch ese tools jo ki bohot hi useful hai.

Keyword Planner : Keyword Planner tool Google ka product hai, jo ki basically Advertisers use karte hai. Advertiser ko pata chalta hai ki konse keyword ko kya CPC hai, kitne searches hai. Halaki hum publishers bhi iska use kar sakte hai. Sirf Adwords ke liye Sign up karna hai aur bas, Keyword Planner ko access karna hai. Koi bhi posts likhna start karne se pehle hume hume is tool ki mada se keywords, unka CPC sab pata kar lena chahiye. Padhiye – 

Google AdWords : Google AdWords ye advertising platform hai. Ye AdSense ke exactly opposit kaam karta hai. AdSense publishers ke liye hota hai. AdWords advertisers ke liye hota hai. Adverts apne ads ko is tool ke madad se banae hai aur publish karte hai. Publishers jo AdSense use karte hai, wo yahi ads apne site par dikhate hai. Padhiye –  

Webmaster Tools : Google Webmaster tool ye ek a mist have tool hai. Agar aapki website hai, to aapko website ko is tool se jaroor link karna chahiye. Is tool ki madad se aap bohot si chije control ya analyze kar sakte ho. Ye tool basically Google ke SERP ko site wise represent karta hai. agar koi page aapko Google me add karna ho, site map add karna ho, kewyords density, keyword searches agar dekhne ho, to ye tool sabse best hai.




Agar apko hamara ye post accha laga to hame comment zaroor kare or is post ko apne friend ko shear karna na bhoole or latest update ke liye subscrib zaroor kare.
Previous
Next Post »

1 comments:

Click here for comments
July 10, 2017 at 11:26 AM ×

very helpfull post for me.
www.onlineknowledgeinhindi.com

Congrats bro ONLINE KNOWLEDGE IN HINDI you got PERTAMAX...! hehehehe...
Reply
avatar
Powered by Blogger.